Kristhea sarvadikari

క్రీస్తే సర్వాధికారి

క్రీస్తే సర్వాధికారి -

క్రీస్తే మోక్షాధికారి

క్రీస్తే మహోపకారి -

క్రీస్తే ఆ సిల్వధారి

1.          ముక్తి విధాతనేత -

శక్తి నొసంగుదాత

భక్తి విలాపశ్రోత -

పరమంబు వీడె గాన ||క్రీస్తే||

2.          దివ్య పథంబురోసి -

దైవంబు తోడుబాసి

దాసుని రూపుదాల్చి -

ధరణి కేతెంచెగాన ||క్రీస్తే||

3.          శాశ్వత లోకవాసి -

సత్యామృతంపురాశి

శాప భారంబు మోసి -

శ్రమల సహించెగాన ||క్రీస్తే||

4.          సైతాను జనము గూల్పన్ –

పాతాళమునకు బంపన్

నీతి పథంబు బెంప -

రుథిరంబు గార్చెగాన

5.          మృత్యువు ముల్లు తృంపన్ –

నిత్యజీవంబు బెంపన్

మర్త్యాళిభయము దీర్పన్ –

మరణంబు గెలిచెగాన

6.          పరమందు దివిజులైన -

ధరయందు మనుజులైన

ప్రతి నాలుక మోకాలు –

ప్రభునే భజించు గాన

7.          ఈ నామమునకు మించు -

నామంబు లేదటంచు

యెహోవా తండ్రి యేసున్‌ -

హెచ్చించినాడు గాన ||క్రీస్తే||