Pancha Gaayamu | TELUGU CHRISTIAN SONGS

పంచ గాయము లొందగా

పంచ గాయము లొందగా

ప్రభు సిలువపై వ్రేలాడగా

పలికె అమృత వాక్కులే

ఈ ధరకు సందేశంబుగా

1.              తండ్రి వీరల మన్నించుము – వీరు చేయున దెరుగరు

ఆది దేవుని ఆజ్ఞ నెరవేర్చగ శ్రమల భరియించెగా – శ్రమల ఇల భరియించెగా పరమ శత్రువునైన ప్రీతిని – చేర్చి సంరక్షింపగా

కల్వరిన్ ప్రభు తెల్పెగా – పాటించుమా ఓ క్రెస్తవా

2.              నీవును నాతోడ నేడు – ఉందువు పరదైసునందు

ఘోరమగు పాపములు చేసిన – ఖలుని ప్రభు రక్షించెగా

నీదు పాపపు వస్త్రమున్ – ప్రభు  సన్నిధిన్ త్వజియించినా

నిత్య జీవ కిరీటమున్ – ధరియింప జేయును పరమున

3.              అమ్మ ఇదిగో నీ కుమారుడు – అని వచించెను యేసుడు

యిలను మాతా పితరులను – ప్రేమింపనేర్పి ఈ రీతిగా – ప్రేమించె ఈ రీతిగా నీదు తల్లి తండ్రిని – సత్కరించిన ప్రీతితో

దీర్ఘ ఆయువు నొసగి దేవుడు ఆశీర్వదించుగా

4.              దేవా నా దేవా నీవేల – నాదు చేయి విడితివి

శ్రమల బాధ అధికమాయె – తనువుపై గాయంబులాయె

మానవ పాపంబులకు – పరిహార మార్గము చూపగా

సిలువపై బలియైన దైవ – సుతుని విశ్వసించుమా

5.              దప్పిగొనుచున్నాను నేనని – దైవ సుతుడర్థించెను

దీనజన సంరక్షణార్థము – దాహమొందెను యేసుడు

దైవ సేవకు అంకితంబై – ప్రభువు దాహము తీర్తువా

ఇహమునే ప్రేమించి ప్రతిగా – చేదు చిరకందింతువా

6.              దైవ చిత్తము పూర్తి చేయుట – ధరణిలో సమాప్తమయ్యెను

ప్రవచనములు నిజము కాగా – ధరను చీకటి క్రమ్మెగా

జీవిత పోరాటమందున – చివరిదాకా నిలువుమా

దైవ సేవను అన్యులకు – సంపూర్ణముగ జరిగించుమా

7.              జనక నీ చేతికి నా ఆత్మను – అప్పగించుచుంటిని

సర్వదా కుడి పార్శ్వమందున – నిలిచియుండెద నేనికన్

తరతరములు సజీవుడేసు – మరణ భయమును తీర్చెగా

నీ నిరీక్షణలో సహాయము – నొసగి దేవుడు కాయగా