Dashamaa Bhagamu lella

దశమ భాగము లెల్ల దేవునివి

దశమ భాగము లెల్ల దేవునివి – ధారాళముగ నియ్య సమకూడుడి = పశువులు పైరులు దేవునివి – పసిడి లోహపుగనులు దేవునివి భాగ్యభోగ్యము లెల్ల దేవునివి – భావించి కానుకలను నియ్యుడి

1.              దేవునివి దొంగిలించెదరా – దేవదేవుని మోసపుచ్చెదరా = భావింప మది నెంచి భయము నెంచి – ప్రార్ధింప దలవంచి ప్రభు భాగామున్ – దేవాలయంబును పూర్ణంబుగా – దేదీప్యముగా నుండ సమకూర్చుడీ

2.              పరిశుద్ధ దేవుని మందిరము – పరిపూర్ణముగాను యోచించుడీ = పరిశుద్ధ భాగము విడదీయుడీ - పాడిపంటలు నాస్తి దేవునివి – పదియవ భాగంబు దేవునివి – పరమాత్మ దీవెనలను బొందుడీ

3.              ప్రథమ ఫలంబులు దేవునివి – విదితంబుగా నీయ మది నెంచుడీ = సదమల హృదయములను బొందియు – ప్రథమ భాగము నెల్ల విడదీసియు – ముదమున దేవునికర్పించుడీ – సదయు దీవెనలొంద సమకూర్చుడీ

4.              ఆకసపు వాకిండ్లు విప్పుదును – అధిక కృపలను గుమ్మరించుదును =  మీ కష్టఫలములను దీవింతును – భీకర నాశంబు దొలగింతును – మీ కానంద దేశ మిత్తు నని – శ్రికరుం డెహోవా సెల విచ్చెను

5.              దినభోజనం బిచ్చు దేవునిని – ఘన సౌఖ్యముల నిచ్చు దేవునిని = వినయంబుతో మదిని ధ్యానించుచు – దినభోజనంబులను భాగించుచు = మానక దేవుని కర్పించు డీ – ఘనసేవ జయమొందు పని బూనుడీ
Download Lyrics as PPT